لە شاری ناشفێڵی ویلایەتە یەکگرتووەکانی ئەمریکا فڕۆکەیەکی بچوک کەوتەخوارەوە و سەرجەم سەرنشینەکانی گیانیان لەدەستدا.
پۆلیسی شاری ناشفێڵ بڵاویکردەوە، فڕۆکەکە بچووک بووە و تەنها یەک بزوێنەری هەبووە، تا ئێستا نازاندرێت لە چ شوێنێکەوە هەڵفڕیوە، لە ئێستادا لێکۆڵینەوەکان دەستیانپێکردووە.
ئاشکراشیکرد، پێنج سەرنشین لە فڕۆکەکەدا بوون هیچ کامیان لە رووداوەکەدا رزگاریان نەبووە و گیانیان لەدەستداوە.
باسیلەوەشکرد، پێش رووداوەکە فڕۆکەکە ئاماژەی کێشەی بزوێنەر و کێشەی کارەبایی بۆ فڕۆکەخانەی شارەکە ناردووە، بەڵام لە کاتێکدا هەوڵی نیشتنەوەی داوە کۆنتڕۆڵی لەدەستداوە و تەقیوەتەوە.
