بەڕێوەبەرایەتیی گشتیی کەشناسیی سلێمانی کۆی گشتی بارانی ئەمساڵی تاوەکو 1ی ئازاری سنووری سلێمانی و هەڵەبجە و ئیدارەی راپەڕین و گەرمیان بڵاوکردەوە و لە هەندێک ناوچە، بڕی باران دوو هێندەی تێپەڕکردووە و لە هەندێک ناوچەی دیکە نزیکبووەتەوە لە دوو هێندە و لە هەموو ناوچەکان رێژەی بارانی ئەمساڵ لە پار زیاتر بووە.
بە گوێرەی راگەیەندراوەکە، ئەمساڵ لە سلێمانی 441.5 ملیمەتر باران باریووە، لە هەڵەبجە 504.6 ملیمەتر و لە قەڵادزێ 600 ملیمەتر و کەلار 255 ملیمەتر باران باریووە.
زۆرترین بارانبارین لە ناوچەکانی، یاخسەمەر لە پلەی یەکەم بە بڕی 987.7 ملیمەتر و بەرزنجە 983.3 لە پلەی دووەم و پێنجوێن بە بڕی 927.2 لە پلەی سێهەم دێت.
کەمترین رێژەی بارانبارین لەمساڵدا بە گوێرەی ناوچەکان، کفری بووە بە 187.4 بەڵام هێشتا لە رێژەی ساڵی رابردووی زیاترە کە 187.2 ملیمەتر بووە.
