سەرۆکایەتی شارەوانیی سلێمانی دەڵێت، “لەگەڵ نزیکبوونەوەی وەرزی سەیران و گەشتوگوزار داواکارین هاوڵاتییان هاوکاربن لەپاکڕاگرتنی ژینگەی شارەکەمان.”
لە راگەیەندراوێکدا سەرۆکایەتی شارەوانی سلێمانی ئاماژەی بەوەدا، لە پێناو پاکڕاگرتنی شار داوا لە هاوڵاتییان دەکەن:
١– لەکاتی سەردانیکردنتان بۆ ناوچەگەشتیارییەکانی (چیای ئەزمەڕ و گۆیژە و شەقامی دەباشان و شەقامی بەرەو تونێلی پێشڕەو ) پێویستە پاشماوەی خۆڵ و خاشاک لە شوێنی تایبەت بەخۆی کۆبکەنەوە.
٢– لەناوچەگەشتیارییەکاندا سەلەی تایبەت بە کۆکردنەوەی خۆڵ بوونی هەیە و دەتوانن پاشماوەی خۆڵ وخاشاک لەوێدا دابنێن.
٣– فڕێدانی خۆڵ و خاشاک لەناوچە گەشتیاریەکان قەدەغەیە و بەسەرپێچی دادەنرێت.
٤– هاووڵاتی تەنها بەکۆکردنەوی پاشماوەی خۆڵ و خاشاکەکەت هاوکاردەبیت لە رەخساندنی ژینگەیەکی تەندروست بۆ شارەکەت و بۆ خۆت و خانەوادەکەت.
٥–بۆ کەمکردنەوەی ئەرک و ماندوبوونی ژینگەپارێزان کە رۆژانە بەسەرما و گەرما بەردەوامن لەکۆکردنەوەی خۆڵ و خاشاکی گەشتەکەت تەنها بە کۆکردنەوەی پاشماوەی گەشتەکەت لەناو کیسەیەکدا هاوکارمانبە.
