قائیمقامی قەزای دوكان رایدەگەیەنێت، تانكەرێكی گواستنەوەی سووتەمەنی لەسەر رێگای خەلەكان – دوكان وەرگەڕا كە خۆی كێشاوە بە ستوونێكی كارەبادا و بەهۆیەوە ناحیەكانی خەلەكان و خدران بێ كارەبابوون و تیمەكانی كارەبا سەرقاڵی چارەسەركردنی كێشەكەن.
سیروان سەرحەد قائیمقامی قەزای دوكان لە لێدوانێكدا بە تۆڕی میدیایی ئێستای راگەیاند، تانكەرێكی گواستنەوەی سووتەمەنی لەسەر رێگای خەلەكان – دوكان وەرگەڕاوە كە خۆی كێشاوە بە ستوونێكی كارەبادا و بەهۆیەوە ناحیەكانی خەلەكان و خدران بێ كارەبابوون و شۆفێری بارهەڵگرەكەش بە سەختی برینداربووە.
وتیشی، “تیمەكانی هاتوچۆ، پۆلیس و ئاسایش گەیشتوونەتە شوێنی رووداوەكە و لێكۆڵینەوەیان دەستپێكردووە و تیمەكانی كارەباش سەرقاڵی چارەسەركردنی كێشەكەن”.
