ئەندامێکی ئەنجومەنی نوێنەرانی عێراق رایدەگەیەنێت، پۆستی پارێزگاری کەرکوک بۆ کوردە و راکان جبوری ناتوانێت ئەو پۆستە وەربگرێتەوە.
دیلان غەفور، ئەندامی ئەنجومەنی نوێنەرانی عێراق رایگەیاند، لەگەڵ جەختکردنەوەمان لەوەی پۆستی پارێزگاری کەرکوک پشکی کوردە و سازشی لەسەر ناکەین، بۆ هەموو لایەکی رووندەکەینەوە، راکان جبوری ناتوانێت ببێتەوە بە پارێزگار.
دەشڵێت، “بەپێی یاسا پێویستە ئەو کەسەی ئەو پۆستە وەردەگرێت تەمەنی لە 60 ساڵ زیاتر نەبێت، بەو پێیەش راکان جبوری بۆی نییە ببێتەوە بە پارێزگار”.
