لە دوو تێکهەڵچوونی چەکداریدا لە نێوان مهاباد و بۆکان 7 کەس کوژراون

بەپێی زانیارییەکانی ڕێکخراوانی مافی مرۆڤ لە ڕۆژهەڵاتی کوردستان لە دوو ڕۆژی ڕابردوودا دوو تێکهەڵچوونی چەکداری لە نێوان شاری مهاباد و بۆکاندا، لە ڕۆژهەڵاتی کوردستان ڕویانداوە و بەهۆیەوە 7 کەس کوژراون.

تێکهەڵچوونەکە لە نێوان حزبێکی کوردی ئۆپۆزسیۆنی دەسەڵاتی کۆماری ئیسلامی ئێران و هێزەکانی ئیتڵاعات ڕوویداوە، لە کۆی پێکدادانەکاندا پێنج ئەندامی هێزەئەمنییەکانی ئێران کوژراون.

بەپێی زانیاری ڕێکخراوەکانی مافی مرۆڤ لەوانە هەنگاو، ڕۆژی چوارشەممە ی ڕابردوو لەسەر ڕێگەی بۆکان بۆ مهاباد لە نزیک گوندی (قەرەبڵاغ) تێکهەڵچوونی چەکداری ڕویداوە و بەهۆیەوە سێ ئەندامی هێزەئەمنییەکانی ئێران کوژراون.

دوای ئەم ڕووداوە، لە نزیک هەمان ئەو گوندە، هێزەئەمنییەکانی سەربە ئیتڵاعاتی ئێران دەستڕێژی گولـلەیان لە ئۆتۆمبیلێک کردووە و دوو کەس کوژراون و کەسێکی دیکە بە سەختی بریندار بووە.

هەر لەو تێکهەڵچونانەدا ئەفسەرێک و ئەندامێکی سوپای پاسداران خەڵکی شاری میانداون کوژراون.

لەگەڵ بڵاوبوونەوەی ئەم هەواڵەدا سایتی فەرمی حزبی دیموکراتی کوردستانی ئێران، ڤیدیۆی پێشمەرگەکانی خۆی بڵاوکردەوە کە چوونەتە ناو گوندەکانی بانەوە.

بابەتی پێشتر

یەکێتی هاوپەیمانی لەگەڵ گۆڕان و لێکتێگەیشتنی لەگەڵ چەند لایەنێک هەیە

بابەتی دواتر

زیاتر لە 40 ملیار دیناری گەنمی جوتیاران ئامادەیە و نرخی ئەمساڵی گەنمیش دیاریکراوە

بابەتی پەیوەندیدار
زیاتر ببینە

لە هەڵەبجە خۆپیشاندان كرا

دژی خزمەتنەکردنی شارەکە و هاوڵاتییانی شارەکە، لەساڵیادی كیمیابارانكردنی هەڵەبجەدا بەشێک لە دانیشتوانی هەڵەبجە خۆپیشاندانیان ئەنجامدا. كەمێك لەمەوبەر دانیشتوانی…
Total
13
Share