هاوشێوەی هێزە عێراقییەکان، زەوی بۆ پێشمەرگە و ئاسایشی نیشتەجێی شاری کەرکوک دابیندەکرێت و رەزامەندی وەزیری ئاوەدانکردنەوە و نیشتەجێبوونی عێراقی بۆ وەرگیراوە.
ئەحمەد عومەر بەڕێوەبەری شارەوانیی کەرکوک بە تۆڕی میدیایی ئێستای راگەیاند، لە چەند ساڵی رابردوودا و لە ئێستاشدا زەوی بەسەر هێزە ئەمنییە عێراقییەکاندا دابەشکراوە و ئێمەش داواکاریمان پێشکەش کردووە بۆ ئەوەی زەوی بۆ هێزەکانی پێشمەرگە و ئاسایش تەرخان بکرێت.
ئاماژەی بەوەشکرد، لە سه‌ردانه‌ی کۆتاییدا بۆ به‌غدا، رەزامەندیی وەزیری ئاوەدانکردنەوە و نیشتەجێبوونی عێراقی وه‌رگرتووه بۆ دابینکردنی زەوی بۆ هێزەكانی پێشمەرگە و ئاسایش لە سنوری ناوچە دابڕێندراوەکان.
