بڕیارە ئەمڕۆ قاسم ئەعرەجی راوێژکاری ئاسایشی نیشتمانی عێراق بگاتە شاری هەولێر.
ئەمڕۆ قاسم ئەعرەجی راوێژکاری ئاسایشی نیشتمانی عێراق کە هاوکات سەرۆکی ئەو لیژنەیەیە کە سودانی بۆ لێکۆڵینەوە لە هێرشەکانی شەوی رابردوو ئەمڕۆ دەگاتە هەولێر.
ئامانج لە سەردانەکەی ئەعرەجی و ئەندامانی وەفدەکەی لێکۆڵینەوەیە لەو هێرشانەی شەوی رابردوو کرانە سەر شاری هەولێر و بەهۆیەوە زیاتر لە 10 کەس بوونە قوربانی.
بەپێی نووسراوێک کە واژووی سکرتێری سەرۆکی ئەنجومەنی وەزیرانی عێراقی لەسەرە، ئەو لیژنەیەی کە بۆ لێکۆڵینەوە لە هێرشەکان پێکهێنراوە لە پێنج کەس پێکدێت و لەلایەن قاسم ئەعرەجییەوە سەرۆکایەتی دەکرێت، هەریەکە لە رێبەر ئەحمەد وەزیری ناوخۆی هەرێم، بریکاری سەرۆکی دەزگای هەواڵگری، نوێنەری فەرماندەیی ئۆپراسیۆنە هاوبەشەکان، نوێنەری وەزارەتی بەرگری عێراق ئەندامن تێیدا.
بڕیارە لیژنەکە لە ماوەی 48 کاتژمیردا کارەکانی تەواو بکات و ئەنجامی لێکۆڵینەوەکان ئاشکرابکات.
