بەهۆی ئەو شەپۆلی باران بارینەی شاری هەولێر و ناوچەکەی گرتووەتەوە رێگای هەولێر – رانیە بە شێوەیەکی کاتی داخرا.
وەزارەتی ئاوەدانکردنەوە و نیشتەجێکردن بڵاویکردەوە، بەهۆی ئەو شەپۆلی باران بارینەی شاری هەولێر و ناوچەکەی گرتووەتەوە، بووەتە هۆی گلدانەوەی ئاوێکی زۆر لە بەنداوی گۆمەسپان و زیادبوونی لە ماوەکانی داھاتوودا کە بەشێوەیەکی کاتی ئاو رێگاکە دابپۆشێت.
ئاماژەی بەوەشکرد، هۆشداریی دەدەینە ھاوڵاتییان و شوفێرەکان، کە ئەم رێگایە بەشێوەیەکی کاتی دادەخرێت و دەتوانن رێگای جێگرەوە بەکاربهێنن.
ئاشکراشیکرد، تیمەکانی بەڕێوەبەرایەتی چاککردن و پاراستنی رێگاوبانی ھەولێر لە رێگاکە ئامادەییان ھەیە بۆ پاراستنی سەلامەتی ھاوڵاتییان.
