دەزگای ئاسایشی هەرێم رایگەیاند، هەشت بازرگان و بەکارهێنەری ماددەی هۆشبەریان دەستگیرکردووە، بەشێکیان دەنیشتووی دەرەوەی هەرێمی کوردستانن.
بەپێی راگەیەندراوێکی دەزگای ئاسایشی هەرێمی کوردستان، بەڕێوەبەرایەتیی ئاسایشی راپەڕین گرووپێکی بازرگانیکردن و بەکارهێنانی ماددەی هۆشبەری دەستگیرکردووە کە لە هەشت کەس پێکهاتوون و دانیشتووی ناوخۆ و دەرەوەی هەرێمی کوردستانیان تێدایە.
هەروەها لە کاتی دەستگیرکردنی گرووپەکەدا دەستگیراوە بەسەر بڕێک ماددەی هۆشبەر لە جۆری کریستاڵ و ئامرازەکانی بەکارهێنان و پێوانەکردنی ماددەی هۆشبەر.
هەروەها تۆمەتباران بە ماددەکانی 26 و 30 لە یاسای بەرەنگاربوونەوەی ماددە هۆشبەرەکان و کارتێکەرە ئەقڵییەکان راگیراون و لێکۆڵینەوە بەردەوامە.
