ڕاهێنەری یانەی ئارسیناڵ، مایکڵ ئارتێتا هەڵوێستی لەبارەی گەڕانەوەی مەسعود ئوزێل بۆ پێکهاتەکەی ئاشکرادەکات.
ڕاهێنەرە ئیسپانییەکەی گانەرز، مایکڵ ئارتێتا کۆتا بۆچوونی خۆی لەبارەی گەڕانەوەی مەسعود ئوزێل بۆ پێکهاتەکەی ئاشکرا دەکات و بە میدیاکانی بەریتانیای ڕاگەیاندووە، ” لە کۆتایی وادەی گواستنەوەکانی زستانەی 2021 لێکدانەوە بۆ دۆخەکە دەکەین و هەڵوێستی خۆمان ئاشکرادەکەین”.
ئارتێتا خۆی لە بڕیاری دوورخستنەوەی (عازف الیل) بێبەریدەکات و دەڵێت، ” پێویستە لەسەرمان ڕێزی گرێبەستی یاریزانان بگرین، لەم بارودۆخانەدا دەبێت لەگەڵ یاریزانەکانمان کراوەتر بین و پلانەکانی یانەیان بۆ ئاشکرابکەین، ڕۆڵیان شیبکەینەوە لە پێکهاتەکاندا و هۆکارەکانی دوورخستنەوە یان هەر شتێکی دیکەیان بۆ ڕوونبکەینەوە”.
هەروەها دەڵێت، ” یاریزانان خۆیان بەرپرسن لە جێبەجێکردنی بۆندەکانیان و پابەندبوونیان پێیەوە، هەندێکیان بەهۆی بەشدارینەکردنەوە بڕیاری ڕۆیشتن دەدەن، هەندێکیش بڕیاری بەردەوامبوون دەدەن، ئەوە بڕیاری خۆیانە و بەهیچ شێوەیەک دەستی ئێمەی تێدانییە”.
Mesut Özil’s first ever appearance against Brighton ⚽️pic.twitter.com/hr1Vy7hqAu
— MÖS (@MesutOzilStats) December 29, 2020
ئوزێلی ئەڵمانی لە مانگی ئازاری 2020وە لە پێکهاتەکانی ئارسیناڵ بۆ خولی نایابی ئینگلیزی و خولە ئەوروپیەکان دوورخراوەتەوە، تاوەکو ئێستاش نەزانراوە ئایا بڕیارەکە هونەری بووە یاخود کارگێڕی.
یاریزانە 33 ساڵەکە لە هاوینی 2013 بە بڕی 47 ملیۆن یورۆ پەیوەندی بە ئارسیناڵەوە کرد، 254 یاری کردووە و 44 گۆڵی تۆمارکردووە و 77 گۆڵی ڕەخساندووە، بۆندەکەی لەگەڵ یانەی ئارسیناڵ لە کۆتایی ئەم وەرزە (2020/2021) کۆتاییدێت و لەو ماوەیەشدا دەتوانێت ساڵانە 18.2 ملیۆن پاوەند بەدەستبهێنێت.
