بڕیارە سبەی دەنگدانی گشتی بۆ هەڵبژاردنی ئەنجومەنی پارێزگاكان لە كەركوك و شارەكانی دیكەی عێراق ئەنجامبدرێت.
بەپێی خشتەی بڕیاردراوی كۆمسیۆنی باڵای سەربەخۆی هەڵبژاردنەكان كە سەرپەرشتیی هەڵبژاردنەكە دەكات، ناوەندەكانی دەنگدان لە كاتژمێر 7ی بەیانییەوە دەكرێنەوە و پرۆسەی دەنگدان تا كاتژمێر 6ی ئێوارە بەردەوام دەبێت.
بەپێی دوایین ئاماری كۆمسیۆن 16 ملیۆن و 108 هەزار و 135 دەنگدەر مافی بەشداریكردنیان لە دەنگدانەكەی سبەینێدا هەیە.
ئەوەش لەكاتێكدایە دوێنێ دەنگدانی تایبەت لە سەرجەم پارێزگاكانی عێراق بەڕێوەچوو.
