كۆمسیۆن رایدەگەیەنێت، زیاتر لە یەك ملیۆن كەس ئەمڕۆ مافی دەنگدانیان هەیە، هەروەك زیاتر لە ملیۆنێك كەس وەك چاودێر و میدیاكار و كارمەندی دەنگدان لە پرۆسەكەدا كاردەكەن.
عیماد جەمیل، سەرۆكی تیمی میدیایی كۆمسیۆنی باڵای سەربەخۆی هەڵبژاردن رایگەیاند، دەنگدانی تایبەت كاتژمێر 7ی بەیانی دەستپێدەكات و تا كاتژمێر 6ی ئێوارە بەردەوام دەبێت.
وتیشی، “ژمارەی ئەو كارمەندانەی هێزە ئەمنییەكان كە مافی دەنگدانیان هەیە دەگاتە یەك ملیۆن و دوو هەزار و 393 كارمەندا، 565 ناوەندی دەنگدان كە دوو هەزار و 367 وێستگەی دەنگدان لەخۆدەگرێت كراونەتەوە”.
لەگەڵ هێزە ئەمنییەكاندا ئاوارەبووانی كامپەكان ئەمڕۆ مافی بەشدارییان لە دەنگدان هەیە و ژمارەیان 48 هەزار و 260 ئاوارەیە و ژمارەی ناوەندەكانی دەنگدانیان 35 ناوەند و 120 ویستگەی دەنگدانە، عیماد جەمیل وای وت.
ئەوەشی خستەڕوو، زیاتر لە یەك ملیۆن كەس وەك چاودێری پرۆسەی هەڵبژاردن و بەڕێوەبردنەكە و روماڵی میدیاییەكەی دەكەن، ئەمەش ژمارەیەكی بێپێشینەیە و یەكەمجارە لە پرۆسەی هەڵبژاردندا روودەدات.
بەرپرسەكەی كۆمسیۆن ئەو ژمارەیەشی روونكردەوە كە بەمجۆرە دابەشبوون، 495 هەزار و 168یان چاودێر و بریكاری لایەنە سیاسییەكانن، 322 هەزار و 436یان چاودێری ناوخۆیی رێكخراوەكانی كۆمەڵی مەدەنین، هەزار و 857 چاودێری بیانی، 300 میدیاكاری نێودەوڵەتی، دوو هەزار و 254 میدیاكاری ناوخۆیی و 220 هەزار كارمەند لە ناوەندەكانی دەنگداندا.
دوای بەڕێوەچوونی پرۆسەكەی ئەمڕۆ، رۆژی دووشەممە 18ی كانونی یەكەم دەنگدانی گشتی لە 15 پارێزگای عێراق.
