ئەنجومەنی وەزیرانی عێراق ئەمڕۆ سێشەممە 19ی كانونی دووەم ڕایگەیاند، “هەڵبژاردنی پەرلەمانیی پێشوەختە دواخرا بۆ 10ی مانگی ئۆكتۆبەری داهاتوو.”
بڕیارەكە لە كۆبوونەوەی ئەمڕۆی ئەنجومەنی وەزیران بە سەرۆكایەتیی مستەفا كازمی دراوە، ئەوەش وەڵامی داوایەكی كۆمسیۆن بوو بۆ دواخستنی ئەو هەڵبژاردنەی كە بڕیاربوو لە 6ی حوزەیرانی ئەمساڵدا ئەنجامبدرێت.
ڕۆژی یەكشەممەی ڕابردوو، كۆمسیۆنی باڵای سەربەخۆی هەڵبژاردنەكانی عێراق ڕایگەیاند، “داوایەكی ئاڕاستەی ئەنجومەنی وەزیران كردووە بۆ دواخستنی هەڵبژاردن.”
بە وتەی جومانە گلای، كۆمسیۆن پێویستی بە كاتی زیاترە بۆ ئامادەكارییكردن بۆ بەڕێوەبردنی هەڵبژاردن و ئەنجامدانی بەشێوەیەكی باش و خوازراو.
