ئەمشەو هەسارۆچکەیەک بە دووری 5.5 ملیۆن کیلۆمەتر لە زەوی نزیکدەبێتەوە و ئەگەری دروستکردنی مەترسیی هەیە.
ئاژانسی بۆشایی ئاسمانیی ئەمریکا ناسا بڵاویکردەوە، هەسارۆچکەی 139622 (2001 QQ142) کە تیرەکەی 1.2 کیلۆمەترە ئەمڕۆ لە دووری 5.5 ملیۆن کیلۆمەتر و بە خێرایی 6.66کیلۆمەتر لە چرکەیەکدا بەلای زەویدا تێدەپەڕێت.
پێشبینی دەکرێت هەسارۆکەکە لە دەوروربەری کاتژمێر 9:00 بەکاتی ئەوروپا بە لای زەویدا تێپەڕێت.
بە وتەی شارەزایانی گەردونناسی هەر هەسارۆچکە یان تەنێک لە 7.5 ملیۆن کیلۆمەتر کەمتر لە زەوی نزیکبێتەوە مەترسی دروستدەکات.
ئەم هەسارۆچکەیە بۆ یەکەمجار لە 22 ی ئابی ساڵی 2001 دەرکەوت، ئەمجارە بۆ دووەمین جار بیندراوە.
