هەنگەكان دەیان پەنگوین دەكوژن

هەنگ تەنها ئەوكاتە هێرشدەكات و پێوەدەدات كە هەست بە مەترسی بكات

پۆلێك هەنگ لە باشووری ئەفریقیا دەیان پەنگوینیان كوشت.

ڕووداوەكە لە كەناراوی بوڵدەرس-ی نزیك شاری كیپ تاون لە باشووری ئەفریقیا ڕوویداوە كە ناوچەیەكی سروشتیی ناودارە و جۆرەها ئاژەڵ و باڵندە لەخۆدەگرێت و ساڵانە 60 هەزار گەشتیار لە سەرتاسەری جیهانەوە سەردانی دەكەن.

ژینگەپارێزانی ناوچەكە دەڵێن، 63 پەنگوینی مردارەوەبوویان لە كەناراوەكە دۆزیوەتەوە، دوای پشكنین شوێنەواری پێوەدانی هەنگیان بە جەستەیانەوە بەدیكردووە.

ئەڵیسۆن كوك، شارەزاری زیندەزانیی دەریایی لە ئەفریقیا ڕایگەیاندووە، ئەوە یەكەمجارە پۆلی هەنگ هێرشبكەنەسەر پەنگوین، چونكە زۆربەی كات پەنگوین و هەنگەكان بەیەكەوە دەژین، هەنگ تەنها ئەوكاتە هێرشدەكات و پێوەدەدات كە هەست بە مەترسی بكات.

ئەو پسپۆڕە دەڵێت، “پێدەچێت بەشێك لە هەنگەكان ڕووبەڕووی هێرش بووبێتنەوە، بەوهۆیەوە كۆمەڵەكانی تری هەنگ ورووژابن و بەشێوەیەكی هەڕەمی بڵاوبووبێتنەوە و بەدوای ئامانجێكدا گەڕابن تا پەلاماریبدەن، سەرئەنجام بە پەنگوینەكانیانەوە داوە”.

شارەزایانی ژینگە ئاشكرایانكردووە كە ئەو پەنگوینانەی مرداربوونەتەوە، سەر بە جۆرێكی دەگمەنی پەنگوینن كە مەترسی لەناوچوونی لەسەرە.

لە سروشتدا 18 جۆری پەنگوین هەن و بەپێی ئامارەكان 13 جۆریان ڕووبەڕووی مەترسی و ژیانێكی سەخت بوونەتەوە.

بابەتی پێشتر

ڕاپەڕین.. تۆمەتبارێك پاش دوو ساڵ دەستگیركرا

بابەتی دواتر

سێ كەس بەتۆمەتی مامەڵەكردن بە چەكی بێمۆڵەت دەستگیركران

بابەتی پەیوەندیدار
زیاتر ببینە

“لوتكەی نەتەوەیەكگرتووەكان دوایین و باشترین هیوایە بۆ ڕوبەروبوونەوەی گۆڕانی ئاووهەوا”

نێردەی ئەمریكا بۆ كاروباری ئاووهەوا دەڵێت، كۆبوونەوەی لوتكەی ئەمساڵی نەتەوەیەكگرتووەكان دواهەمین و باشترین هیوایە لەبەردەم جیهاندا بۆ ڕوبەڕوبوونەوەی…
Total
5
Share