دابەشکردنی نەوتی سپی بەسەر هاوڵاتییاندا بەردەوامە و بڕیارە هەفتەی داهاتوو بگاتە سەنتەری شاری سلێمانی.
بەڕێوەبەرایەتی نەوت و کانزاکانی سلێمانی بڵاویکردەوە، لە 9 ی تشرینی یەکەم تا ئەمڕۆ، بڕی 12 ملیۆن و 852 هەزار لیتر نەوت دابەشکراوە.
باسیلەوەشکرد، ئەو بڕە بەسەر 64 هەزار و 260 خێزاندا لە ناوچەکانی پێنجوێن وسەیدسادق و رانیە و ماوەت و شارباژێڕ وبازیان دابەشکراوە.
بەڕێوەبەرایەتییەکە ئاشکرایدەکات، پرۆسەکە بەردەوامی هەیە و بڕیارە هەفتەی داهاتوو لە سەنتەری شاری سلێمانیش دەست بە دابەشکردن بکرێت.
