قوباد تاڵه‌بانی جیگری سه‌رۆكی ئه‌نجومه‌نی وه‌زیرانی هه‌رێم، لەمیانەی سه‌رپه‌رشتیكردنی كۆبونه‌وه‌یه‌كی لەگەڵ وەبەرهێنان بڕیاریدا، كارئاسانی ته‌واو بۆ وه‌به‌رهێنه‌ران بكرێت و داوای له كه‌رتی تایبه‌ت و وه‌به‌رهێنه‌ران كرد پلان و پڕۆژهی خۆیان بۆ وه‌به‌رهێنان له كه‌رتی گه‌شتوگوزار پێشكه‌ش بكه‌ن.
بەپێی ڕاگەیەندراوێكی نووسینگەكەی، ئەمڕۆ قوباد تاڵه‌بانی له قه‌زای دوكان سه‌رپه‌رشتی كۆبونه‌وه‌یه‌كی كرد له‌باره‌ی په‌ره‌پێدانی كه‌رتی گه‌شتوگوزار و بڕیاردرا كارئاسانی بكرێت بۆ جێبه‌‌جێكردنی سێ پڕۆژهی گهشتیاری له ده‌ڤه‌ره‌كه.
له كۆبونه‌وه‌كەدا كه ئه‌مه‌ل جه‌لال سه‌رۆكی ده‌سته‌ی گه‌شتوگوزار و لایه‌نه په‌یوه‌ندیداره‌كان ئاماده‌ی بوون، گرفته‌كانی به‌رده‌م گه‌شه‌كردنی گه‌شتوگوزار له قه‌زای دوكان و چۆنییه‌تی چاره‌سه‌ركردنی ئه‌و گرفتانه تاوتوێكران.
هەر بەپێی ڕاگەیەندراوەكە، قوباد تاڵه‌بانی داوای له كه‌رتی تایبه‌ت و وه‌به‌رهێنه‌ران كرد پلان و پڕۆژهی خۆیان بۆ وه‌به‌رهێنان له كه‌رتی گه‌شتوگوزار پێشكه‌ش بكه‌ن.
هه‌روه‌ها داوای له ده‌سته‌ی گه‌شتوگوزار و لایه‌نه په‌یوه‌ندیداره‌كان كرد كارئاسانی ته‌واو بكه‌ن بۆ ئه‌و وه‌به‌رهێنه‌رانه‌ی ده‌یانه‌وێت له كه‌رتی گشتوگوزاردا وه‌به‌رهێنان بكه‌ن.
هه‌ر به‌گوێره‌ی ڕاگه‌یه‌ندراوه‌كه، له ته‌وه‌رێكی دیكه‌ی كۆبونه‌وه‌كه‌دا باسی كێشه‌ی ئه‌و زه‌وی و زارانه‌كرا كه بڕیاره پڕۆژه گه‌شتیارییه‌كانی تێدا جێبه‌جێبكرێت و بڕیاردرا، ئه‌و كێشه‌یه به شێوه‌یه‌كی یاسایی و به جۆرێك چاره‌سه‌ر بكرێن كه خاوه‌ن زه‌وییه‌كان سوودمه‌ندبن له‌وه‌ی زه‌وییه‌كانیان بۆ پڕۆژهی گهشتیاری به‌كاربهێندرێت.
