وەزارەتی تەندروستیی عێراق بڵاویکردەوە، لەسەرەتای ئەمساڵەوە تا ئێستا 545 حاڵەتی تای خوێنبەربوون تۆمارکراوە و 70 کەسیش بەو هۆیەوە گیانیان لەدەستداوە.
سەیف بەدر وتەبێژی وەزارەتی تەندروستیی عێراق رایگەیاند، لەسەرەتای ئەمساڵەوە تا ئێستا 545 حاڵەتی تای خوێنبەربوون تۆمارکراوە، کە زۆرترینیان لە پارێزگای زیقار بوون و کەمترینیان لە پارێزگای ئەنبار بووە.
ئاشکراشیکرد، زۆرینەی ئەوانەی تووشی نەخۆشییەکە بوون، یان گۆشتفرۆش بوون، یان ئاژەڵیان بەخێوکردووە یان مامەڵەیان بە ئاژەڵی زیندووەوە کردووە.
