بەهۆی بەرزبوونەوەی پلەكانی گەرماوە، بڕیاردرا سبەینێ لە سێ پارێزگای عێراق بكرێتە پشووی رەسمی.
دیوانی پارێزگاكانی بەسرە، میسان و زیقار، لە سێ راگەیەندراوی جیادا بڵاویانكردووەتەوە، بەهۆی بەرزبوونەوەی پلەكانی گەرماوە بڕیاردرا سبەینێ یەكشەممە بكرێتە پشووی رەسمی لەسەرجەم دامەزراوەو فەرمانگە حكومییەكانی ئەو پارێزگایانە.
بەپێی پێشینییەكانی كەشناسی بڕیارە سبەی پلەكانی گەرما بەرزبوونەوەی بەرچاو بەخۆوە ببینێت.
