میدیای فەرمی گۆڕان بڵاویکردەوە، دواخستن و دابەشنەكردنی مووچە تەنیا یەك ئامانجی لەپشتە، ئەویش ئەوەیە لایەنێكی سیاسی بە خەڵكی كوردستان بڵێت ئەوە دەرئەنجامی رووكردنە بەغداد و دابەشكردنی مووچەیە لەلایەن حكومەتی عێراقەوە ئەوەش دەرئەنجامەكەیەتی.
بەپێی ئەو زانیارییانەی میدیای گۆڕان بڵاویکردووەتەوە، حكومەتی هەرێمی كوردستان توانای دابەشكردنی مووچەی مووچەخۆرانی هەیە، بەڵام پێویستی بە بڕیاری مەسرور بارزانی سەرۆكی حكومەتە بۆ دابەشكردنی.
هەر بەپێی زانیارییەکان، حكومەتی هەرێم 440 ملیار دیناری داهاتی ناوخۆی لەبەردەستە، دەتوانێت لەگەڵ 500 ملیار دینارەكەی بەغداد مووچەی پێدابەشبكات، بەڵام پەیڕەوی دەكات ئێستا، تێكەڵكردنی بەرنامەی كاری حزبێكە لەگەڵ کارەکانی حکومەتدا.
