بڕیاربوو ئەمڕۆ پەڕاوی لێکۆڵینەوەی گوهدار زێباری ببرێتەوە بەردەم دادوەری دادگای هەولێر، بەڵام تا ئەم کاتە پەڕاوەکانی نەنێردراوە.
ئامەد پیرانی نوێنەری کەسوکاری زیندانیانی بادینان بە تۆڕی میدیایی ئێستای راگەیاند، “پێشتر دادوەری لێکۆڵینەوەی ئاسایشی هەولێر بەڵێنیدابوو پەڕاوەکانی گوهدار زێباری ئاڕاستەی دادوەری دادگای هەولێر بکات، بەڵام ئەمڕۆ تا ئەم کاتە ئێمە چاوەڕێین پەڕاوەکان نەنێردراون”.
ئاماژەی بەوەشکرد، “ئەمڕۆ چوارەم رۆژە گوهدار زێباری مانی لە خواردن گرتووە، هەتا پەڕاوەکانی ئاڕاستەی دادگا نەکرێت، یان ئازادنەکرێت ئامادەنییە مانگرتنەکەی بشکێنێت.
بڕیار بوو لە 16 ی مانگی رابردوو گوهدار زێباری ئازادبکرێت، بەڵام بەهۆی چەکێکی باپیرییەوە کە لە ماڵی خوشکێکیدا دەستی بەسەرداگیرابوو رێگەنەدرا ئازادبکرێت.
