حکومەتی چین شەمەندەفەرێکی نوێی خێرای خستە گەشتەوە کە دەتوانێت ببێتەهۆی کەمکردنەوەی ماوەی گەشتی گەشتیاران لە باکوری ڕۆژئاوای ئەو وڵاتەدا، بە جۆرێک ڕێگەکە ئەگەر پێشتر بە 14 کاتژمێر ببڕایە ئێستا تەنها بە ٣ کاتژمێر تەواودەبێت.
ئەم شەمەندەفەرە ماوەی نێوان شارەکانی یینچوان و شی یان ، کە لە ئێستادا 14 کاتژمێرە، بۆ 3 کاتژمێر کەمدەکاتەوە.
بەگوێرەی وتەی بەرپرسێکی چینی، دروستکردنی ئەم هێڵە ئاسنییە 610 کیلۆمەتریە، زیاتر لە 12 ملیۆن دۆلاری تێچووە و ئەم خزمەتگوزاریە نوێیە دەتوانێت خێراییەکەی بگاتە 350 کیلۆمەتر لە کاتژمێرێکدا.
نرخی بلیتی ئەم شەمەندەفەرە زیاتر لە 40 دۆلارە و تەواوی ئەم بلیتانە بە خێرای فرۆشراون، بە وتەی بەرپرسانی چین ئەمە یەکەم شەمەندەفەرە بتوانێت بەو خێراییە هاوکاری گەشتیاران بکات و کاتیان بۆ کەمبکاتەوە.
