سەرۆك وەزیری نەرویج لە ماوەی سەردانەكەیدا بۆ كێڤی پایتەختی ئۆكرانیا رایگەیاند وڵاتەكەی فڕۆكەی شەڕكەری F-16 دەدات بە ئۆكرانیا.
یۆناس گار ستۆیر سەرۆك وەزیرانی نەرویج رایگەیاند، ” پلانمان هەیە فڕۆكەی شەڕكەری F-16 ببەخشین بە ئۆكرانیا، لە كاتی خۆیدا وردەكاریی بڵاودەكەینەوە و لەگەڵ ئەوەشدا مووشەكی دژە فڕۆكە و كەلوپەلی دیكەی بە ئۆكرانیا دەدەین.ز
هاوكات بیۆرن ئارلید گرام وەزیری بەرگریی نەرویج-یش رایگەیاند، ” بەخشینی ئەم چەند فڕۆكە F-16 یە بە شێوەیەكی بەرچاو توانا سەربازییەكانی ئۆكرانیا پتەوتردەكەن”.
جێی ئاماژەیە بەشێك لە لە وڵاتانی هاوپەیمانێتی ناتۆ هاوكاریی سەربازییان پێشكەشی ئۆكرانیا كردووە و بەردەوام برەویان بە پەیوەندییە سیاسییەكانیش لەگەڵ ئۆكرانیادا داوە.
