دەستەی حەج و عەمرە خوازیارانی ئەنجامدانی حەج ئاگاداردەکاتەوە بۆ ساڵانی داهاتوو سەبارەت بە ئەنجامدانی تیروپشک و راشیدەگەیەنێت ئەوانەی ناویان دەرچووە دەبێت پێداچوونەوە بە زانیارییەکانیاندا بکرێت.
لە راگەیەندراوێکدا دەستەی حەج و عەمرەی عێراق، داوا لەو کەسانە دەکات کە ناویان لە تیروپشکی ئەنجامدانی حەجدا هاتووەوە بۆ ساڵی داهاتوو سەردانی بەڕێوەبەرایەتی و نوسینگەکانی نزیک لە شوێنی نیشتەجێبوونیان بکەن.
ئاماژە بەوەشدەکات، هۆکارەکەی بۆ پێداچوونەوە بۆ داتاکان و نوێکردنەوەی زانیارییەکانیانە بۆ ئامادەکاری لە وەرزی داهاتووی حەجدا.
بەپێی ئاگادارییەکەی دەستەی حەج و عەمرە تیروپشک بۆ ساڵانی داهاتووی ئەو ناوانە دەکرێت کە دەیانەوێت فەریزەی حەج بەجێبهێنن.
