سەرۆکایەتیی کۆماری عێراق راگەیەندراوێکی لەبارەی بەڕێوەچوونی هەڵبژاردنی هەرێمی کوردستان بڵاوکردەوە، تیایدا رایگەیاند، پیرۆزبایی لە گەلەکەمان لە هەرێمی کوردستان و سەرجەم لایەنە سیاسییەکان دەکەم کە بەشدارییان لەم مافە گرنگە دیموکراسییەدا کردووە.
باسی لەوەشکرد، کۆمسیۆنی باڵای سەربەخۆی هەڵبژاردنەکانی عێراق پیشەییبوون و، دەستپاکیی کۆمسیۆن لە کارەکانیدا لە بەڕێوەبردنی پڕۆسەکە بەرزدەنرخێنین.
سەرۆکایەتییەکە داواشدەکات هەموو لایەنە سیاسییەکان لەسەر مێزی دیالۆگی نیشتمانی بنیاتنەر دابنیشن، بە ئامانجی پێکهێنانی حکومەتی نوێی هەرێم لەسەر ئەو بناغانەی کە خزمەتکردنی خەڵک لە لوتکەی گرنگییەکانیدا بێت.
هیواشدەخوازێت، حکومەتی نوێ کاربکات بۆ باشترکردنی بونیادنان و ئاوەدانکردنەوە و پاڵپشتیی بووژاندنەوەی ئابوری و، بەدەستخستنی گەشەپێدانی بەردەوام.
