ناسان ئاکیی بەرگریکاری هۆڵەندیی یانەی مانچستەر سیتی، هۆشدارییەکی پێپ گواردیۆلا بۆ یاریزانانی مانچستەر سیتی ئاشکرادەکات.
بەرگریکارەکەی هۆڵەندا جەخت لەوە دەکاتەوە، کە گواردیۆلا هۆشداریی بە یاریزانانی مانچستەر سیتی داوە و داوایکردووە کەمتەرخەم نەبن و سێ ناسناوەکەی وەرزی ڕابردوو لەبیربکەن.
ئاکی دەڵێت، “ڕاهێنەر باسی لەوە کرد کە چۆن دەتوانین بەردەوام بین، نایەوێت هیچ یاریزانێک بکەوێت و ئێمەش دەزانین چی دەکەین، باسی لەوەکرد کە هەمووان دەیانەوێت ڕاومان بکەن.”
هەروەها دەڵێت، “ئێستا دۆخەکە لە ئەستۆی ئێمەدایە و ئامادەین، لە چەند ڕۆژی ڕابردووی مەشقەکاندا بەهێزەوە کارمان کردووە و ئەوەش ئاماژەیەکی ئەرێنییە، لە چەند یاریی داهاتوودا ڕیتم و حەماسەتی خۆمان وەردەگرینەوە، دڵنیاشم لە وەرزی ڕابردوو بەهێزتر دەبین، چونکە هێشتا تینوویەتیمان بۆ بردنەوە و ناسناوەکان نەشکاوە.”
