خافێر تیباس، سەرۆكی ڕایەڵەی خولی تۆپی پێی ئیسپانیا ڕایگەیاند، بەرشلۆنە لەدۆخێكی ئابوریی خراپدایە، بە پێچەوانەی ڕیاڵ مەدریدەوە، كە باری دارایی زۆر باشە.
لەسەر دۆخی دارایی یانەكان، تیباس سەرۆكی ڕایەڵەی لالیگا دەڵێت، “كڕینی هالاند بۆ بەرشلۆنە زۆر قورسە، ئەوان هێشتا كێشەی مووچە و قەرزەكانیان چارەسەر نەكردووە”.
تیباس جەختی لەوە كردەوە، كە یانەی ڕیاڵ مەدرید لەتوانایدا هەیە هەردوو یاریزان هالاند و مباپێ پێكەوە بكڕێت، بەڵام بەرشلۆنە توانای كڕینی هیچیانی نییە.
ئەو قسانەی تیباس بۆ ڕۆژنامەی ئاس-ی ئیسپانی بوو كە تیایدا باس لە چەند پلانێكی یەكێتییەكەی دەكات بۆ بەرەوپێشچونی خولی ئیسپانیا.
تیباس پێیوایە ڕیاڵ مەدرید پاڵێوراوی سەرەكییە بۆ بەدەستهێنانی ناسناوی خولی تۆپی پێی ئیسپانیا و خولی یانە پاڵەوانەكانی ئەوروپا.
