ئاردا گولەر، ئەستێرەی لاوی یانەی ڕیاڵ مەدرید بەهۆی ئازارەوە بەشداریی لە ڕووبەڕووبوونەوەی ئەی سی میلان-دا نەکرد و بڕیاریشە بەرامبەر مانچستەر یونایتد بە هەمانشێوە یاری نەکات.
ڕۆژنامەی “مارکا”ی ئیسپانی بڵاویکردووەتەوە، ئاردا گولەر بەر لە ڕووبەڕووبونەوەی میلان لە قاچی ڕاستیدا هەستی بە ئازارکردووە، بەوهۆیەوە ستافی پزیشکی پشکنینیان بۆکردووە و دەرکەوتووە کە دووچاری ماندووبوون بووە.
ستافی ڕیاڵ مەدرید گرنگییەکی تایبەت بە یاریزانەکە دەدات، هێشتا تەمەنی 18 ساڵە و نایانەوێت داهاتووی بخەنە مەترسییەوە، بۆیە بڕیاریانداوە ڕاهێنانی تایبەتی بۆ بەهێزکردنی جەستە پێبدەن، هەر بەوهۆیەشەوە بەرامبەر مانچستەر یونایتد یاری ناکات.
ستافی پزیشکی و ڕاهێنانی جەستەیی ڕیاڵ مەدرید جەختیان لەوە کردووەتەوە، کە تاوەکو لە هەموو ڕووەکانەوە ئامادە نەبێت، ئامادەنین تواناکانی تاقیبکەنەوە.
