سادیۆ مانێ لە پلانەکانی بایرن میونشندا نییە، یانەی نەسڕی سعوودی نزیکبووەتەوە لە واژۆکردنی گرێبەست لەگەڵیدا.
نیکۆ شێرا-ی ڕۆژنامەنووسی ئیتاڵی ئاشکرایکردووە، کە تیمێکی یانەی نەسڕ لەسەر ڕاسپاردەی مسەلی ئال موعەمەری سەرۆکی یانە گەیشتوونەتە ئەڵمانیا بۆ یەکلاییکردنەوەی گرێبەستی سادیۆ مانێ.
بەگوێرەی زانیارییەکان، نەسڕ مووچەی ساڵانەی بەبڕی 25 ملیۆن یورۆ بۆ ئەسمەرە سەنیگالییەکە تەرخانکردووە، گرێبەستە پێشکەشکراوەکەش بۆ ماوەی سێ وەرزە (تاوەکو 2026).
یانەی نەسڕ لە مێرکاتۆی هاوینی 2023دا سەرکەوتووبووە لە کڕینی برۆزۆڤیچ، ئەلێکس تێلیس، سیکۆ فۆفانا، هێشتا پێیان وایە پێکهاتەکەیان لە ڕووی هونەرییەوە تێروتەسەل نییە و پێویستیان بە گواستنەوەی زیاترە بۆ قایلکردنی کریستیانۆ ڕۆناڵدۆ.
