دوای چنینەوەی ناسناوی خولی یانە پاڵەوانەکانی ئەوروپا، زۆرینەی یاریزانانی مانچستەر سیتی ڕوو لە یانەکانی سعوودیە دەکەن.
میدیاکانی بەریتانیا ئاماژەیان بەوە کردووە، ئەوەی لە مانچستەر سیتی ڕوودەدات بابەتێکی سەرنجڕاکێش و لە هەمان کاتدا مایەی گومانە، بەوپێیەی گواردیۆلا دەرگای ڕۆیشتنی بۆ چەندین یاریزان کردووەتەوە و هیچ کاردانەوەیەکی نییە.
گوندۆگان ڕوویکردووەتە یانەی بەرشلۆنە و بەم زووانە هەریەک لە جواو کانسێلۆ، بێرناردۆ سیلڤا، ڕیاز مەحریز، ئایمیریک لاپۆرت، کایل واڵکەر ڕێککەوتن لەگەڵ یانە خوازیارەکانیاندا دەکەن.
بە هەمانشیوە بنجامین مێندی گرێبەستی کۆتاییهاتووە و تەنها ماتیۆ کۆڤاسیچ پەیوەندیی بە یانە شینەکەوە کردووە.
ڕۆژنامەنووسان پێیانوایە ئەوەی ڕوودەدات ئارامی پێش گەردەلوولە و دوای فرۆشتنی ئەو یاریزانانە، گواردیۆلا چەند گرێبەستێکی هەژێنەر واژۆدەکات.
