بەڕێوەبەری گشتی کۆمپانیای بازرگانیی دانەوێڵە لە عێراق، ئەمڕۆ رایگەیاند، زیاتر لە چوار ملیۆن و 500 هەزار تۆن گەنمی جوتیارانیان کڕیوە.
ئەو بەرپرسەی وەزارەتی بازرگانیی عێراق دەڵێت، “وەزارەتی بازرگانی لە مانگی تشرینی دووەمی 2022 گرێبەستی کڕینی ملیۆنێک و دوو سەد هەزار تۆن گەنمی هاوردەکراوی کرد، بەهۆی ئەو کەمییانەی کە لە ساڵانی رابردوودا لە بەرهەمی گەنمی ناوخۆیی روویداوە”.
ئاماژەی بەوەشکرد، “میکانیزمی گەنمی هاوردەکراو بۆ وەرگرتنی بەرهەمی هاوردەکراو بە درێژایی ساڵ بەشێوەی پشک دابەشدەکرێت”.
رایگەیاند، “بڕی گەنمی هاوردەکراو کە ماوەتەوە 400 هەزار تەنە کە پێش وەرزی بازاڕکردن کڕدراوە، و دەگاتە کۆگاکان”.
ئاماژەی بەوەشکرد، “ئەو بڕە گەنمەی لە ئوسترالیاوە هاوردەکراوە تێکەڵ بە گەنمی ناوخۆیی دەکرێت، دابەش دەکرێت بەسەر هاوڵاتییاندا، بەوەش بڕی گەنمی پێویست بەدەستدێت”.
