ئومێد خۆشناو پارێزگاری هەولێر لە كۆنگرەیەكی رۆژنامەوانیدا رایگەیاند، لەم دۆخە قورسەی وشكەساڵی دەتوانرێت ئاوی خواردنەوە بۆ هاوڵاتییان دابینبكرێت، بەڵام پێویستە هاوڵاتییان دەست بە ئاوەوە بگرن و ئاو بە فیڕۆ نەدەن و بە تایبەت زۆركات كە ئاو بەردەدرێتەوە تانكی سەربانی ماڵەكان پڕدەبێت و ئاوێكی زۆر بە فیڕۆ دەچێت.
راشیگەیاند، بەپشت بەستن بە یاسای پاراستنی ئاو رێنمایی نوێی و تایبەت دەردەكەین و رێوشوێنی یاسایی بەرامبەر ئەو كەسانە دەگیرێتەبەر كە ئاوی خواردنەوە بەفیڕۆ دەدەن.
ئومێد خۆشناو داواشیكرد لە هاوڵاتییان دەست بە ئاوەوە بگرن لە شوشتنی ئۆتۆمبێل و چێشتخانەكان و حەوزی ماسییەكاندا ئاو بەفیڕۆ نەدرێت.
