پێشبینییەکانی کەشوهەوای ئەمڕۆ و سبەینێی هەرێمی کوردستان دەریدەخات، خێرایی با زیاد دەکات و تۆز و خۆڵ زیاتر دەبێت لەو ناوچانەی خێرایی با زیاترن.
بەڕێوەبەرایەتیی کەشناسی و بومەلەرزەزانیی هەرێمی کوردستان ئاشکرایکرد، ئەمڕۆ یەکشەممە، ئاسمان نیمچەهەور دەبێت و خۆڵبارین بەردەوام دەبێت، هەروەها خێرایی با زیاد دەکات و خۆڵبارین لەو ناوچانەی خێرایی با زۆرە، زیاتر دەبێت.
پلەکانی گەرما نزمدەبنەوە بە 1 بۆ 2 پلە بەراورد بە تۆمارکراوەکانى دوێنێ.
سبەینێ دووشەممە، ئاسمان نیمچەهەور دەبێت لەگەڵ بەرزبوونەوەى تۆز و خۆڵ هەندێک کات ئاستى خۆڵ بارین لەسەر هەندێک ناوچە زیاتر دەبێت بە تایبەتى بەشێک لە سنوورى پارێزگاى هەولێر و کەرکوک و دهۆک.
پلەکانی گەرما لە زۆربەی ناوچەکان نزیک دەبێتەوە لە تۆمارکراوەکانى ئەمڕۆ.
