هاتوچۆی گەرمیان لەبارەی گۆڕینی تابلۆی ئۆتۆمبێلەوە هاوڵاتییان ئاگاداردەکاتەوە.
بەڕێوەبەرایەتیی هاتوچۆی گەرمیان لە راگەیەندراوێکدا بڵاویکردەوە، هاوڵاتییان ئاگاداردەکەینەوە، بۆ نوێکردنەوەی ساڵیانە یان گۆڕینی خاوەندارێتیی ئۆتۆمبێل دوای تەواوکردنی رێکارە یاساییەکان، بۆ گۆڕینی تابلۆکانیان پێویست ناکات ئۆتۆمبێلەکانیان بهێنن بۆ بەڕێوەبەرایەتیی هاتوچۆی گەرمیان.
دەشڵێت، تەنها دەتوانن تابلۆ کۆنەکان لەگەڵ خۆیان بهێنن بەمەبەستی گۆڕینی بۆ تابلۆی نوێ و ئەم کارەش ئارەزوومەندانەیە، لەبەرامبەردا بڕی 30 هەزار دینار وەک رسومات وەردەگیرێت، پاشان هاوڵاتی تابلۆکە وەردەگرێت و خۆی تابلۆکە لە ئۆتۆمبێلەکەی دەبەستێت.
