پاڵەوان و لەشجوانی میسڕی، مەمدوح ئەلسبیعی نازناوی پاڵەوانیەتی “مستەر ئۆڵیمپیا”ی بۆ ساڵی 2020 لە بواری لەشجوانی بەدەستهێنا و وەک یەکەم میسڕی بووە پاڵەوانی جیهان.
پاڵەوانیەتی “مستەر ئۆڵیمپیا” لە سەنتەری ئۆرانج کاونتی لە ویلایەتی فلۆریدای ئەمریکا ئەنجامدرا، مەمدوحی میسڕی کە بە “بیگ ڕامی” ناویدەرکردووە، توانی بۆ یەکەمجار لە مێژووی بەشدارییەکانی لەم پاڵەوانێتییە نازناوی ساڵی 2020 بچنێتەوە و بڕی 400 هەزار دۆلار خەڵاکرا.
https://www.youtube.com/watch?v=fm5NY1sSmFk&feature=youtu.be
فیرعەنە میسڕییەکە لە نمایشی کۆتاییدا لەسەر ستەیج بەرانبەر براندۆن کاری پاڵەوانی ساڵی 2019 بردنەوەی تۆمارکرد، هەروەها فیڵ هیز کە لە پێشوودا حەوتجار نازناوەکەی بەدەستهێناوە لە پلەی سێیەمدا ناوی هات.
پاڵەوانەکەی میسڕ تەمەنی 35 ساڵە و خەڵکی گوندی سبایعەیە، لە حەوت پاڵەوانیەتی پێشوودا بەشداریکردووە (بەم وەرزەوە)، لە ساڵی 2013 پلەی هەشتەمی بەدەستهێناوە و ساڵی 2017 وەک دووەم دەستنیشانکراوە.
بەشدارییەکانی سباعی بەم شێوەیە بوون:
2014 پلەی حەوتەم
2015 پلەی پێنجەم
2016 پلەی چوارەم
2017 پلەی دووەم
2020 پلەی یەکەم
“بیگ ڕامی” ساڵی 2015 لە پاڵەوانیەتی “ئاڕنۆڵد کلاسیک” لە ئەمریکا بە ئامادەبوونی پاڵەوان و ئەکتەری ناوداری ئەمریکی ئاڕنۆڵد شوارزنیگەر بەشداریکردووە، پلەی یەکەمیشی بەدەستهێناوە،
