ئاسایشی ڕاپەڕین لەبارەی ئەو کەسەی پارەی خەڵکی خواردووە ڕونکردنەوە دەدات

ئاسایشی ڕاپەڕین لەبارەی ئەو کەسەی کە لەناوچەی پشدەر پارەی خەڵکی خواردووە و دەستگیرکراوە ڕونکردنەوەیەکی بڵاوکردەوە و ڕایگەیاند، “دەبێت خەڵکی قوتی خۆیان نەدەنە دەست کەسانی تازە هەڵتۆقیو”.

ئاسایشی ڕاپەڕین لە ڕونکردنەوەیەکدا کە ئەمڕۆ 20 ی کانونی یەکەم، بڵاویکردووەتەوە تێیدا دەڵێت، “بەداخەوە لە دەڤەری ڕاپەڕین لە ساڵانی ڕابردوودا دیاردەی نا جۆر و مامەڵەی نائەقڵانی ڕوودەدەن و بووەتە هۆی زەرەرمەندبونی زۆرێك لە هاوڵاتییانی سنورەكە، بەهۆی ناهۆشیاری هاوڵاتیان و ڕەنجی چەند ساڵەی قوتی ماڵ و منداڵیان دەخەنە بەردەم كەسانێكی لە پڕهەڵتۆقیوی نەناسراوكە هیچ پێشینەیەكی كار و كەسابەتی دوور مەودای نیە و خەڵكی سنورەكە دەكەنە پەیژە و پێیاندا سەردەكەون و لەپڕدا ئیفلاس بونیانی خۆیان ڕادەگەیەنن”.

ئاسایشی ڕاپەڕین ئاماژەی بەوەشکردووە کە ئەم جۆرە ڕوداوانە دەبێتە هۆی ماڵوێرانی بۆ دەیان خێزان و درووستبونی كێشەی كۆمەڵایەتی و تێكچونی شیرازەی خێزان بەهۆی دەستبردن بۆ مامەڵەی نا شەرعی و نادرووست، لە كاتێكدا قەیران بەرۆكی هەرێمەكەمانی گرتووە خەڵكانێك زەفەردێنن بە دەیان ملیۆن دۆلار دەبەن و گورزی كەمەر شكێن لە جوڵەی كار و كەسابەتی ئاسایی ئەم سنورە دەوەشێنن”.

ڕاگەیەنراوەکەی ئاسایش ئاماژەی بەوەشکردووە، “ئەو جۆرە کارانە دەچنە خانەی دەستبڕین و فێڵکردنەوە و بەپێی مادەی 456 سزادەدرێن و ئەو حاڵەتەی ناحیەی سەنگەسەریش لەسەر هەمان مادە کەسەکە دەستگیرکراوە و پاشان دۆسیەکە دراوەتە دەست پۆلیسی ڕاپەڕین”.

دوێنێ 19 ی کانونی یەکەم، کەسێک بەناوی “سلێمان هەڵشۆیی” دەستگیرکرا کە وەک خۆی وتویەتی، “مامەڵەی پشدەریانە”ی لەگەڵ خەڵکیدا کردووە و بە وتەی هاوڵاتییان “50 ملیۆن دۆلاری خەڵکی بردووە”.

بابەتی پێشتر

(وێنە و ڤیدیۆ) بۆ یەکەمجار لەمێژوودا زەبەلاحێکی میسڕی نازناوی "مستەر ئۆڵیمپیا"ی بەدەستهێنا

بابەتی دواتر

یەكەم گۆشتی دەستكرد لە چێشتخانەیەكی سەنگافورە پێشكەشكرا

بابەتی پەیوەندیدار
Total
5
Share