كۆمپانیای “مێتا” ژمارەی بەكارهێنەرانی فەیسبووك و داهاتی ئەو تۆڕە كۆمەڵایەتییە ئاشكرادەكات.
نوێترین ئاماری كۆمپانیای “مێتا” دەڵێت، لە یەك رۆژدا نزیكەی سێ ملیار كەس تۆڕی كۆمەڵایەتیی فەیسبووك بەكاردەهێنن و داهاتیش لە چارەكی یەكەمی ئەمساڵدا زیادیكردووە.
بەپێی راپۆرتی كۆمپانیای “مێتا” كە خاوەندارێتیی فەیسبووك دەكات، تا مانگی ئازاری ئەمساڵ داهاتیان بە رێژەی 3% زیادیكردووە و گەیشتووە بە 28.6 ملیار دۆلار.
مارك زوكەربێرگ سەرۆكی جێبەجێكاری كۆمپانیای مێتا دەڵێت، “كارەكانی كۆمپانیاكە لە بواری زیرەكیی دەستكرددا بە باشی بەڕێوەدەچن”، ئەمەش دوای ئەوەی كۆمپانیاكە تەنها لە ئەمساڵدا 21 هەزار فەرمانبەر و كارمەندی لە كارەكانیان دەركردووە.
