یانەی بەرشلۆنە هەوڵەکانی بۆ گەڕاندنەوەی لیۆنێل مێسی ئەفسانەی زیندووی ئەرجەنتین دەستپێکردووە، بەڵام پێش ئەو هەنگاوە ناچارە چوار مەرجی قورس جێبەجێبکات.
ڕۆژنامەی “دەیلی مەیڵ”ی بەریتانی ئاشکرایکردووە، بەرپرسانی لالیگا ئیدارەی بارسا-یان ئاگادارکردووەتەوە، کە گەڕانەوەی مێسی بەبێ مووچە نابێت، ئەوەی تەرخانکراوە (12) ملیۆن یورۆی ساڵانەیە بۆ دوو وەرز، ئەم هەنگاوەش ناچاریان دەکات چوار مەرجی قورس جێبەجێبکەن.
یەکەم: ئەنجامدانی بەرزکردنەوەیەکی دارایی دیکە و فرۆشتنی لەسەددا (24)ی مافەکانی بینین و بیستنی ستودیۆکانی یانە.
دووەم: گەڕاندنەوەی (200) ملیۆن یورۆ لە خشتەی مووچەی یاریزانان، واتا کەمکردنەوە بەو بڕە و داشکاندنی مووچەی یاریزانەکان.
سێیەم: فرۆشتنی یاریزانان بەبڕی (100) ملیۆن یورۆ، نزیکترین یاریزانانیش ئانسو فاتی و فیران تۆرێسن.
چوارەم: تەرخانکردنی (100) ملیۆن وەک داهات و بنەمای دارایی ناوەرزشی، کە ئەوەش بە فرۆشتنی یاریزانێک یاخود دووانی دیکە دەکرێت.
