یانەی بایرن میونشنی ئەڵمانی بۆ واژۆکردنی یەکەمین گرێبەستی هاوینە، لەگەڵ یانەی لایپزیگ بە ڕێککەوتن گەیشتووە.
بەگوێرەی زانیارییەکانی فابریزیۆ ڕۆمانۆی ڕۆژنامەنووس و شارەزای بواری گواستنەوەکان، ئیدارەی بایرن میونشن لەگەڵ کۆنراد لایمەری یاریزانی نەمسایی یانەی لایپزیگ بە ڕێککەوتن گەیشتووە.
گرێبەستی لایمەر لە حوزەیرانی 2023 لەگەڵ یانە خۆرهەڵاتییەکەی ئەڵمانیا کۆتاییدێت و تاوەکو ئێستا نوێ نەکراوەتەوە، بایرنی باڤاری گرێبەستەکەی بێبەرامبەر واژۆ دەکات.
ناوەندکارەکەی نەمسا لەم وەرزەدا (21) یاریی لەگەڵ لایپزگ لە سەرجەم خول و پاڵەوانێتییەکان ئەنجامداوە، دوو گۆڵی تۆمارکردووە، کۆی گشتی بەشداریکردنی لەگەڵ لایپزیگ (182) یاری بووە، لەو ماوەیەدا (13) گۆڵ و (19) ئەسیستی کردووە.
