هاندەرانی یانەی بوروسیا دۆرتمۆند پێیانوایە، مارکۆ ڕۆیس پێویستە لە کۆتایی وەرزدا ماڵئاوایی لە یانەکەیان بکات.
لە دوایین چاوپێکەوتندا، لۆتەر ماتیۆسی ئەفسانەی ئەڵمانیا پەیامێک ئاراستەی ئیدارەی دۆرتمۆند دەکات و دەڵێت، “ڕۆیس باشتر نابێت، پێکانەکان بە ڕێژەی لەسەددا سەد بەردەوام دەبن، تەمەنی هەڵدەکشێت و باشترە دۆرتمۆند چارەسەرێکی گونجاو بدۆزێتەوە، باشترە دەستبەرداری ئەو یاریزانە بن.”
ماڵپەڕی “بێلد سپۆرت” لەو بارەیەوە ڕاپرسییەکی ئەنجامداوە، زیاتر لە (34 هەزار) هاندەری “ڤێستیڤالین” بەشدارییان تێیدا کردووە. بە ڕێژەی لەسەددا (78) بە (نەخێر) وەڵامیانداوەتەوە، واتا هاوڕابوون لەسەر دەستبەرداربوون لە کاپتنەکەی ڤێستیڤالین.
ڕۆیس ساڵانە (12) ملیۆن یورۆ مووچە وەردەگرێت، لە هاوینی 2023 گرێبەستەکەی کۆتاییدێت و تاوەکو ئێستا نوێ نەکراوەتەوە.
