یانەی لیڤەرپوڵ چانسی گەیشتنی بە خولی یانە پاڵەوانەکانی ئەوروپا بۆ وەرزی داهاتوو لاوازە.
لیڤەرپوڵ بە (47) خاڵەوە هەشتەمی ڕیزبەندیی “پریمەرلیگ”ە، لەو پێگەیەدا هیچ چانسیکی گەیشتنی بە خولەکانی ئەوروپا نییە، ئەگەر لە هەشت هەفتەی داهاتوودا خانەی چوارەم بگرێتەوە چانسی بەهێز دەبێت.
ئایا بە پلەی پێنجەم سەردەکەوێت؟
سیناریۆکان جیاوازن، ئەگەر دوو یانەی ئینگلیزی هەردوو ناسناوی چامپیۆنزلیگ و یوروپا لیگ بەدەستبهێنن و لە دەرەوەی چوارینەی لووتکەدا بن، لەو حاڵەتەدا یەکەم و دووەم و سێیەم سەردەکەون لەگەڵ براوەکانی چامپیۆنزلیگ و یوروپا لیگ، چوارەمیش ڕاستەوخۆ بەشداری یوروپا لیگ دەکات.
تەنانەت ئەگەر یانەیەکیش چامپیۆنزلیگ بەدەستبهێنێت و لە چوارینەی لووتکەدا بێت، کورسییەکەی بە هیچ یانەیەکی دیکە نابەخشرێت، واتا تاکە فریادڕەس بۆ لیڤەرپوڵ تەنها پلەی چوارەمە.
