یانه‌ی بایرن میونشن له دەرەوەی یاریگای خۆیدا ڕووبەڕووی بایەر لیڤەرکوزن بووەوە و دۆڕاندنێکی چاوەڕواننەکراوی تۆمارکرد.
ئه‌مشه‌و یەکشه‌ممه، له چێوه‌ی یارییه‌کانی هه‌فته‌ی (25)ی خولی پله یه‌کی ئه‌ڵمانیا، یانه‌ی بایەر لیڤەرکوزن له یاریگای “بای ئارینا” میوانداریی یانه‌ی بایرن میونشنی کرد.
یارییه‌که کە به ئه‌نجامی دوو گۆڵ بەرامبەر بە گۆڵێک لە بەرژەوەندیی لیڤەرکوزن کۆتاییهات.
گۆڵه‌کەی “باڤاری” له خوله‌کی 22 له‌لایه‌ن جۆشوا کیمیچەوە تۆمارکرا، گۆڵەکانی لیڤەرکوزن لە خولەکەکانی 55، 73 بە لێدانی سزا لەلایەن ئیزکیۆل پالاسیۆسەوە تۆمارکران.
بەپێی ئەنجامە تۆمارکراوەکە، بایرن میونشن به (52) خاڵەوە چانسی گرتنەوەی خانەی یەکە‌می ڕیزبه‌ندیی خولی پلە یەکی ئەڵمانیا “بوندس لیگا”ی لەدەستدا، یانه‌ی بایەر لیڤەرکوزن بە (37) خاڵەوە چووە پلەی هەشتەم.
