كارلۆ ئەنچیلۆتی ڕاهێنەری ڕیاڵ مەدرید پێیوایە مایۆركا هێڵی بەرگریی بەهێزەو توشی ئاستەنگی دەبن بەرامبەریان.
وتیشی: هیچ یاریزانێك نییە بتوانێت جێگەی كەریم بنزیمە بگرێتەوە لە بازاری گواستنەوەدا.
هیواشی خواست هازارد وەك یارییەی سێلتیك ئاستێكی بەرز پێشكەش بكات.
بەشێك لە قسەكانی ئەنچیلۆتی
/ یاریی ڕابردوو مایۆركا باش یاریی كردووە، تەنها سێ گۆڵیان لێكراوە، پێموایە بەرگریی دەكەن و پشت بە هێرشی هەڵگەراوە دەبەستن.
/ ڤینیسیۆس پێویستە لەسەر هەمان شێوازی یاریكردن بەردەوام بیت، پیشتر یەكلاكەرەوە بوو، ئێستاش هەروایە، ئەو بەرازیلییە و بەباشی سەما دەكات پێموانیە ئەوە كەس توڕە بكات.
/ هازارد یارییەكی باشی كرد بەرامبەر سێلتیك، ئەمجارەش بەشداریدەكات و هیوادارم هەمان ئاست پێشكەش بكات.
/ كۆرتوا ئازارێكی سوكی هەبوو بەڵام بەرامبەر مایۆركا یاریی دەكات.
/ لەوانەیە هازارد وەك بنزیمە گۆڵكەر نەبێت، ماوەیەكی زۆرە یاریی نەكردووە.
/ داوا لە هازارد دەكەم بەشێوەیەكی باش یاریی بكات وەك ئەوەی سێلتیك
/ هیچ جێگرەوەیەكمان نییە بۆ بنزیمە لەبەرئەوەی ئەو باشترین هێرشبەری جیهانە، لە بازاری گواستنەوەدا یەدەگی نییە
/ سیبایۆس ئەگەری یارییكردنی هەیە لە بەرامبەر مایۆركا
/ ڕاپۆرتی زۆرمان بۆ هاتوە لە رووی جەستەیی و تەكتیكییەوە، پێویستە بە هەند وەریبگرین، بەڵام ئەگەر بینیم یاریزانێك بە باشی یاریی دەكات لە یاریگادا بەڵام ڕاپۆرتەكان دەڵێن هیلاكە، كێشەم نییە هەر یاریی پێدەكەم
