ئیدارەی یانەی پاریس سان جێرمان بەهۆی ترسی لە ڕێکارە یاساییە توندەکانی فیدراسیۆنی تۆپی پێی ئەوروپا، دانوستاندنەکانی بۆ نوێکردنەوەی گرێبەستی لیۆ مێسی و سێرجیۆ ڕامۆس هەڵپەسارد.
بەپێی زانیارییەکانی ڕۆژنامەی “لیکیپ”ی فەرەنسی، دوای سزادانی یانەی یوڤانتۆس و لێپێچینەوە لە گرێبەستە واژۆکراوەکانی مانچستەر سیتی، هەروەها تێوەگلانی یانەی بەرشلۆنە بە دۆسییەی یاسایی “لالیگا” و ڕێساکانی یاریی خاوێن، ئیدارەی یانەی پاریس سان جێرمان بڕیاریداوە بابەتی نوێکردنەوەی گرێبەستی مێسی و ڕامۆس تاوەکو کاتێکی نادیار هەڵپەسێرێت.
#PSG, takım maliyetini düşürmek için Lionel #Messi ve Sergio #Ramos ile sözleşme uzatma görüşmelerini askıya aldı. İkili bu yaz kulüpten ayrılabilir.
(Mirror) pic.twitter.com/EovGK6WWgE
— Lig Radyo (@LigRadyo) March 14, 2023
گرێبەستی دووانەی ناوبراو لە هاوینی 2023 کۆتاییاندێت، پێشەنگی بۆ نوێکردنەوەی گرێبەستەکانیانە، بەڵام ناسڕ خلێفی قەتەری و خاوەنی یانە فەرەنسییەکە بڕیاریداوە، تاوەکو لە ڕێکارە یاساییەکانی (یوێفا) دڵنیا نەبێتەوە هیچ هەنگاوێک بەو ئاراستەیە نەنێت.
هەروەها شکستی یانەکە لە خولی یانە پاڵەوانەکان کێشەیەکی دیکەیە کە پاریس ڕووبەڕووی بووەتەوە، بڕیارە هەمان دۆسیە لەگەڵ سەرجەم یاریزانان بە مێسی و ڕامۆسەوە تاوتوێ بکرێت.
