سەبارەت بە تۆمارکردنی گرێبەستی نوێی گاڤی، دەسەڵاتی دادوەری ئیسپانیا گورزێکی ئازاربەخشی لە بەرشەلۆنە دا.
بەبڕیاری دادگای بازرگانی، بەرشلۆنە لە زستانی 2023 گرێبەستی گاڤی بە فەرمی تۆمارکردبوو، بەڵام ڕۆژنامەی “موندۆ دیپۆرتیڤۆ” جەخت لەوە دەکاتەوە، کە دووشەممەی ڕابردوو دەسەڵاتی دادوەری ئیسپانیا بەپێی یاسا تۆمارکردنی گرێبەستەکەی ڕەتکردووەتەوە.
لەم بڕیارەشدا ڕایەڵەی یانەکانی “لالیگا” پاڵپشتیی دەسەڵاتی دادوەری کردووە، بەم جۆرە ناونووسکردنی یاریزانەکە لە تیپی یەکەم هەڵدەوەشێتەوە و وەک یەکێک لە یاریزانەکانی تیپی لاوان ناونووسدەکرێت.
According to @relevo, Gavi's contract renewal registration has been canceled by a court in Barcelona👀#Gavi #Barcelona pic.twitter.com/DJfsgrgRiO
— FootTheBall FC (@FootTheBallFC) March 14, 2023
یانە کەتەلۆنییەکە ناچار دەبێت ئەم وەرزە گاڤی لە تیپی لاوان تۆماربکاتەوە، پاشان هەوڵبدات بۆ دووبارە تۆمارکردنەوەی لە پێکهاتەی یەکەم.
ئەگەر ئیدارەی بارسا تاوەکو 30ی حوزەیران سەرکەوتوو نەبێت، لە تۆمارکردنی گرێبەستە نوێیەکە یاریزانەکە نرخی دەبێتە بێبەرامبەر.
