یانەی مانچستەر یونایتد چاوەڕوانی بڕیاری کۆتایی دادگای باڵای کەتەلۆنیا دەکات، سەبارەت بە دۆسییەی تێوەگلانی یانەی بەرشلۆنە لە بابەتی بەرتیلدان بە ناوبژیوانانی “لالیگا”.
بەپێی زانیارییەکانی “تریبونا”، زۆرینەی هاندەران و ئەندامانی ئەنجوومەنی کارگێڕیی مانچستەر یونایتد فشاریان لەسەر ئیدارەی یانەکەیان دروستکردووە، تاوەکو لە مێرکاتۆی هاوینی 2023دا گرێبەست لەگەڵ فرینکی دی یۆنگی هۆڵەندی و یاریزانی یانەی بەرشلۆنە واژۆ بکات.
یانە سوورە زەبەلاحەکەی ئینگلتەرا چاوەڕوانی بڕیاری دادگای کەتەلۆنیایە، لەسەر بابەتی تێوەگلانی بەرشلۆنە بە کارکردنی نایاسایی لەگەڵ ماریا ئینریکێز نیگرێرای جێگری پێشووی سەرۆکی لیژنەی ناوبژیوانانی “لالیگا”.
The Red Devils boss still wants him…
FC Barcelona star Frenkie de Jong has sent a clear transfer message to Erik ten Hag amid reports that Manchester United have reignited their interest in the player.
More here! ▶ https://t.co/ljosxNxoIt pic.twitter.com/KQvYYoJkLN
— KickOff Online (@KickOffMagazine) March 10, 2023
لە ئەگەری سزادانی بارسا بە دوورخستنەوە لە “لالیگا”، یاخود لێشکاندنی خاڵەکانیان لەم وەرزەدا، ڕاستەوخۆ مانچستەر یونایتد گرێبەستێکی ڕەتنەکراوە بە بڕی (70) ملیۆن یورۆ بۆ دی یۆنگ پێشکەشدەکات، بە ئەگەرێکی زۆریشەوە لە هەوڵەکانیاندا سەرکەوتوودەبن.
لە هەمان کاتدا ئیدارەی “ڕێد دێڤڵز” دەیانەوێت سوود لە پەیوەندیی نێوان یاریزانەکە و ئێریک تین هاگی ڕاهێنەر وەربگرن، کە پێشتیر لە ئەیاکس ئەمستەردام بەیەکەوە کاریانکردووە.
