(ڤیدیۆ) یونایتد بەبردنەوەی لە فولهام گەڕایەوە لوتکەی پریمەرلیگ

مانچستەر یونایتد بە بردنەوەی لە فولهام گەڕایەوە لوتکەی ڕیزبەندی پریمەرلیگ

ئەمشەو، چوارشەممە یانەی مانچستەر یونایتد یاری هەفتەی 18ی پریمەرلیگی بەرانبەر فولهام ئەنجامدا و بردنەوەی تۆمارکرد.

مان یونایتد لە کراڤین کۆتاج ستادیەم بووە میوانی فولهام و یاری نێوانیان بە ئەنجامی دوو گۆڵ بەرانبەر گۆڵێک لە بەرژەوەندی زەبەلاحە سوورەکە کۆتاییهات.

گۆڵەکانی “ڕێد دێڤلز” لە خولەکەکانی 21 و 65 لەلایەن ئیدینسۆن کاڤانی و پۆل پۆگبا، تاکە گۆڵەکەی فولهامیش لە خولەکی پێنج لەلایەن ئادیمۆلا لۆکمانەوە تۆمارکران.

بەپێی ئەنجامە تۆمارکراوەکە، یانەی مانچستەر یونایتد لەکۆی 19 یاری ئەم وەرزە (2020/2021) ژمارەی خاڵەکانی گەیاندە 40 و بە جیاوازی دوو خاڵ بەرانبەر مانچستەر سیتی پلەی یەکەمی ڕیزبەندی خولی نایابی ئینگلیزی گرتەوە، لە بەرانبەردا یانەی فولهام بە 12 خاڵەوە لە پلەی 18 لەناوچەی مەترسیدا جێگیربوو.

بابەتی پێشتر

(ڤیدیۆ) یوڤانتۆس نۆیەم جامی سوپەری ئیتاڵیای بەدەستهێنا

بابەتی دواتر

(ڤیدیۆ) ئالکۆیانۆی پلە دوو بە 10 یاریزانەوە ڕیاڵی لە جامی شای ئیسپانیا کردە دەرەوە

بابەتی پەیوەندیدار
Total
1
Share