ئەندامانی ئەنجوومەنی کارگێڕیی یانەی ڕیاڵ مەدرید بێزارن لە هەڵوێستەکانی کیلیان مباپێ، داوادەکەن بە ئاشکرا داهاتووی خۆی یەکلاییبکاتەوە.
ڕۆژنامەی “مارکا”ی ئیسپانی دوایین زانیاریی سەبارەت بە هەوڵەکانی ڕیاڵ مەدرید بۆ گواستنەوەی کیلیان مباپێ ئاشکراکردووە.
🚨🇫🇷 Real Madrid will NOT negotiate with PSG for Mbappé. The only way Mbappé leaves to Real Madrid is if PSG call Real Madrid & give them a price. @jpedrerol pic.twitter.com/319cakBeS0
— Madrid Xtra (@MadridXtra) March 10, 2023
ڕۆژنامەکە ئاماژەی بەوەکردووە، کە بەرپرسانی یانە شاهانە بوون بە دوو بەشەوە، هەندێکیان ماندوو و بێزاربوون لە شێوازی مامەڵەکردنی یاریزانەکە و گوفتارەکانی سەبارەت بە پۆشینی درێسی سپی مەدرید.
لەسەر ڕاسپاردەی ئەو ئەندامانە، فلۆرنتینۆ پێرێزی سەرۆکی یانە بڕیاریداوە بەهیچ شێوەیەک هەنگاو بە ئاراستەی یاریزانەکە نەنێت، یاخود مامەڵە لەگەڵ فایلەکەیدا نەکات، مەگەر یاریزانی ناوبراو بە ئاشکرا لەبەردەم میدیاکاندا نەڵێت، کە دەیەوێت سان جێرمان بەجێبهێڵێت.
