یانەی لیڤەرپوڵ لە دەرەوەی یاریگای خۆیدا، یاریی هەفتەی (27)ی خولی نایابی ئینگلیزی بەرامبەر بۆرنمۆس ئەنجامدا و دۆڕاندنی تۆمارکرد.
ئەمڕۆ شەممە، لە چێوەی یارییەکانی هەفتەی (27)ی خولی نایابی ئینگلیزی “پریمەرلیگ”، یانەی بۆرنمۆس لە یاریگای “ڤیتالیتی” میوانداریی لیڤەرپوڵی کرد.
یارییەکە بە ئەنجامی گۆڵێکی بێبەرامبەر لە بەرژەوەندیی یانەی خانەخوێ کۆتاییهات.
گۆڵەکەی بۆرنمۆس لە خولەکی 28 لەلایەن فیلیپ بیڵینگەوە تۆمارکرا.
بەپێی ئەنجامە تۆمارکراوەکە، لیڤەرپوڵ بە (42) خاڵەوە لە پلەی پێنجەمی ڕیزبەندیی یانەکانی ئینگلتەرا بەردەوام بوو.
لە بەرامبەردا یانەی بۆرنمۆس بە کۆکردنەوەی (24) خاڵ بە شێوەیەکی کاتی لە پلەی (20)وە سەرکەوت بۆ پلەی (16).
